Xalq deputatlari Qo‘qon shahar Kengashiga 27-“G‘oziyog‘liq” saylov okrugidan saylangan deputat Sh.Rasulova tomonidan “Tug‘onboshi” mahalla fuqarolar yig‘inida navbatdagi aholi qabuli tashkil etildi.

Qabul davomida fuqarolar bilan ochiq va samimiy muloqot o‘tkazilib, hududdagi mavjud muammolar, aholini qiynab kelayotgan masalalar hamda ularning qonuniy yechimlari yuzasidan fikr almashildi. Fuqarolarning murojaatlari tinglanib, har bir masalani tegishli tartibda o‘rganish va amaliy choralar ko‘rish bo‘yicha vazifalar belgilandi.

Jumladan, Qutlug‘ qadam ko‘chasi 36-uyda istiqomat qiluvchi, Kambag‘allik reyestrida turuvchi M.Qurbonova moddiy yordam olish hamda turmush o‘rtog‘ini nogironlik aravachasi bilan ta’minlash masalasida murojaat qildi.

Mazkur murojaat yuzasidan nogironlik aravachasini ajratish bo‘yicha fuqaroning turmush o‘rtog‘i tegishli ro‘yxatga kiritildi. Hozirda zarur hujjatlarni rasmiylashtirish va nogironlik aravachasini qisqa muddatlarda ajratish bo‘yicha tegishli ishlar olib borilmoqda.

Fuqaroning murojaati deputatlik nazoratiga olinib, masalaning amaliy yechimini ta’minlash yuzasidan tegishli tashkilotlar bilan hamkorlik davom ettirilmoqda.

Xalq deputatlari Qo‘qon shahar Kengash