Xalq deputatlari Qo‘qon shahar Kengashiga 27-“G‘oziyog‘liq” saylov okrugidan saylangan deputat Sh.Rasulova tomonidan “Tug‘onboshi” mahalla fuqarolar yig‘inida navbatdagi aholi qabuli tashkil etildi.

Qabul davomida fuqarolar bilan ochiq va samimiy muloqot o‘tkazilib, hududdagi mavjud muammolar, aholini qiynab kelayotgan masalalar hamda ularning qonuniy yechimlari yuzasidan fikr almashildi.

Fuqarolarning murojaatlari tinglanib, har bir masalani tegishli tartibda o‘rganish, mas’ul tashkilotlar bilan hamkorlikda amaliy choralar ko‘rish bo‘yicha vazifalar belgilandi.

Jumladan, Oquylik ko‘chasi 5-uyda istiqomat qiluvchi G.Sarimsoqova farzandining sog‘lig‘i bilan bog‘liq holat sababli uni maktabgacha ta’lim tashkilotiga joylashtirishda yuzaga kelayotgan muammo yuzasidan murojaat qildi.

Mazkur murojaat deputat tomonidan o‘rganilib, fuqaroning farzandi 29-sonli maktabgacha ta’lim tashkilotining qisqa muddatli tayyorlov guruhiga qabul qilinishiga amaliy yordam ko‘rsatildi.

Xalq deputatlari Qo‘qon shahar Kengashi