📌Xalq deputatlari Jizzax shahar Kengashining “Qurish, kommunal sohalar, ekologiya, sanoat va transport masalalari bo‘yicha” doimiy komissiyasi raisi B.Toshpo‘latov tomonidan “Tinchlik” MFYdagi 19-sonli davlat maktabgacha taʼlim tashkilotida jamoatchilik nazorati tartibida o‘rganish o‘tkazildi.

🔸O‘rganish davomida asosiy e‘tibor muassasaning isitish tizimi, xonalardagi havo harorati va bino infratuzilmasining holatiga qaratildi. B. Toshpo‘latov muassasa rahbariyati va mas‘ullar bilan suhbatlashib, qish pallasida bolalarning sog‘lig‘ini asrash, guruh xonalarida belgilangan sanitariya-gigiena me‘yorlariga qat‘iy amal qilish yuzasidan o‘z tavsiyalarini berdi.

🔸Jamoatchilik nazorati natijasida aniqlangan kamchiliklarni bartaraf etish, isitish tizimi va xavfsizlik masalalarini qisqa muddatda hal etish bo‘yicha mas‘ul tashkilotlarga tegishli ko‘rsatmalar berildi. Muammoning yakuniy yechimi doimiy komissiyaning qat‘iy nazoratiga olindi.