#tavsiyalar
#qonun_162
#deputatlik_nazorati

Maktab kutubxonalari faoliyati deputatlik nazorati doirasida o‘rganildi

Xalq deputatlari Kogon shahar Kengashi deputati D. Arabova tomonidan shahardagi 4-sonli umumiy o‘rta ta’lim maktabining kutubxona faoliyati o‘rganildi.

O‘rganish davomida kutubxonaning moddiy-texnik holati, mavjud adabiyotlar fondi, o‘quvchilarning kitob va axborot resurslaridan foydalanish imkoniyatlari, kitobxonlik madaniyatini rivojlantirish borasida amalga oshirilayotgan ishlar hamda kutubxona faoliyatining o‘quvchi-yoshlar ta’lim-tarbiyasidagi o‘rni tahlil qilindi.

Mazkur o‘rganish deputatning hududni ijtimoiy va madaniy rivojlantirishga oid masalalarni o‘rganish hamda davlat organlari va tashkilotlari faoliyatining qonunchilikda belgilangan vazifalar ijrosiga doir masalalarni ko‘rib chiqishdagi vakolatlari doirasida amalga oshirildi. Qonunchilikka ko‘ra, mahalliy Kengash deputatlari hududning iqtisodiy, ijtimoiy va madaniy rivojlanishining muhim masalalarini hal etishda ishtirok etadi.

Shuningdek, kutubxona faoliyatini o‘rganishda “Axborot-kutubxona faoliyati to‘g‘risida”gi Qonunda belgilangan vazifalar, shuningdek, ta’lim va yoshlar siyosatiga oid qonunchilik talablari e’tiborga olindi.

O‘rganish jarayonida mas’ul bosh mutaxassis Z. Temirova ham ishtirok etib, kutubxona faoliyati, mavjud imkoniyatlar va aniqlangan masalalar yuzasidan tegishli ma’lumotlar bilan tanishdi.

Deputatlik nazorati doirasidagi bunday o‘rganishlar maktablarda kitobxonlik muhitini yanada rivojlantirish, o‘quvchilarning bilim olishga bo‘lgan qiziqishini oshirish va kutubxonalardan samarali foydalanish imkoniyatlarini kengaytirishga xizmat qiladi.

🟦🟦🟦🟦🟦🟦

Telegram . Instagram . Facebook . Youtube . E-kengash