#Ustozga_ehtirom #poytaxtdeputatlari #deputatlik_faoliyati

❗️ KATTA CHO‘PONOTA MAHALLASIDA USTOZ VA MURABBIYLARGA EHTIROM

🏛 1-oktabr — O‘qituvchi va murabbiylar kuni munosabati bilan “Katta Cho‘ponota” mahallasida ustoz va murabbiylarga hurmat-ehtirom ko‘rsatishga bag‘ishlangan bayram tadbiri tashkil etildi. Unda Xalq deputatlari Toshkent shahar Kengashi deputati Muxtor Ilhomov ishtirok etib, faxriy pedagoglarni kasb bayrami bilan samimiy muborakbod etdi.

🔺 Tadbirda ko‘p yillar davomida pedagoglik kasbida fidokorona faoliyat yuritib, yosh avlodning ta’lim-tarbiyasi va kamolotiga munosib hissa qo‘shgan, bugungi kunda nafaqada bo‘lgan faxriy ustoz va murabbiylarga alohida e’tibor qaratildi.

🤝 Deputat tomonidan ustozlarning ko‘p yillik sharafli mehnati e’tirof etilib, ularning hayotiy tajribasi, bilim va tarbiyasi bugungi yosh avlod uchun katta ibrat maktabi ekani ta’kidlandi.

📚 Zero, ustoz — insonning nafaqat bilim olishi, balki uning dunyoqarashi, ma’naviyati va kelajak hayot yo‘li shakllanishida muhim o‘rin tutadigan ulug‘ zot. Yillar davomida minglab yoshlarga ta’lim-tarbiya bergan faxriy pedagoglarning boy tajribasini qadrlash va ularga ehtirom ko‘rsatish xalqimizga xos ezgu qadriyatlardan biridir.

🌱 Muxtor Ilhomov ustozlarning yosh avlodni bilimli, ma’naviy yetuk va Vatanga sadoqat ruhida tarbiyalashdagi xizmatlariga alohida hurmat bildirib, ularning ibratli hayot yo‘li yoshlar uchun muhim ma’naviy maktab ekanini qayd etdi.

📁 Mazkur tadbir mahalliy Kengash deputati faoliyatining muhim yo‘nalishlaridan bo‘lgan yoshlar ta’lim-tarbiyasiga e’tibor qaratish, mahallada avlodlar o‘rtasidagi ma’naviy vorisiylikni mustahkamlash hamda katta hayotiy tajribaga ega nuroniy va faxriylarning jamiyatdagi o‘rnini qadrlash kabi ezgu maqsadlar bilan hamohang bo‘ldi.

🌷 Bayram davomida ustoz va murabbiylarga samimiy tilaklar bildirilib, ularga mustahkam sog‘lik, uzoq umr, oilaviy xotirjamlik hamda shogirdlari va yaqinlari ardog‘ida bo‘lib yurish tilandi.

📱 Telegram 📱 Instagram 📱 Facebook 📱 YouTube 🔎 E-kengash