Xalq deputatlari Qo‘qon shahar Kengashi deputati Sh.Xasanova tomonidan “Rayhon” mahalla fuqarolar yig‘inida navbatdagi aholi qabuli tashkil etildi.

Qabul davomida fuqarolar bilan ochiq muloqot o‘tkazilib, hududdagi mavjud muammolar, aholini qiynab kelayotgan masalalar hamda ularni hal etish yo‘llari yuzasidan murojaatlar tinglandi.

Fuqarolar tomonidan ko‘tarilgan asosiy masalalardan biri A.T.Xuqandiy mavzesini asfaltlashtirish bilan bog‘liq bo‘ldi. Murojaatchilar mazkur hududdagi yo‘lning mavjud holati transport vositalari harakati va piyodalar uchun noqulaylik tug‘dirayotganini bildirib, yo‘lni ta’mirlash hamda asfalt qoplamasi yotqizish bo‘yicha amaliy choralar ko‘rilishini so‘radilar.

Deputat tomonidan murojaat mazmuni atroflicha o‘rganilib, masalani tegishli tashkilotlar bilan hamkorlikda hal etish, mavjud imkoniyatlarni ko‘rib chiqish hamda qonunchilik doirasida zarur choralarni ko‘rish bo‘yicha tegishli vazifalar belgilandi.

Fuqarolar tomonidan bildirilgan murojaatlar deputat tomonidan nazoratga olinib, ularning amaliy yechimini ta’minlash yuzasidan ishlar davom ettiriladi.

Xalq deputatlari Qo‘qon shahar Kengashi