Payshanba — Yoshlar kuni!

Bugun Taxiatosh tumani hokimi Xalq deputatlari Taxiatosh tumani Kengashiga O‘zbekiston Liberal-demokratik partiyasidan saylangan deputat Sdikov Islambek Muratbayevich, tuman prokurori A.Kipshakbaev hamda tuman IIB boshlig‘i Sh.Ismoilov tumandagi BPO IT markazida bo‘lib, bu yerda tashkil etilgan ish jarayonlari va yoshlar uchun yaratilgan shart-sharoitlar bilan yaqindan tanishdilar.

🤝 Tashrif doirasida tuman rahbariyati "Giza Pro" IT va dasturlash kompaniyasi asoschisi Xusniddin Gulmirzayev bilan muloqot o‘tkazdi. Uchrashuvda hududda axborot texnologiyalarini rivojlantirish va markaz faoliyatini yanada kengaytirish masalalari muhokama qilindi.

💻 Xususan, Taxiatosh tumani yoshlarini zamonaviy kasb egalariga aylantirishga qaratilgan maxsus o‘qitish dasturlari atroflicha ko‘rib chiqildi. Asosiy maqsad — tuman yoshlarini raqamli texnologiyalar hamda dasturlash yo‘nalishlariga qiziqtirish, ularga zamonaviy bilimlar berish orqali yuqori daromadli kasb egalari bo‘lib yetishishlariga zamin yaratishdir.

Bunday amaliy harakatlar tuman yoshlarining bandligini ta’minlash hamda kelajakda malakali IT kadrlar bo‘lib shakllanishlarida muhim qadam bo‘lib xizmat qiladi.