#Sessiya_oldi_o'rganish
📍 Avtomobil yo‘llarida inson xavfsizligini ta’minlash bo‘yicha o‘rganish o‘tkazildi

Xalq deputatlari Sherobod tumani Kengashi kotibiyati mudiri O. Tursunov hamda Adolat sotsial-demokratik partiyasi Kengashi raisi Q. Allanazarov ishtirokida avtomobil yo‘llarida inson xavfsizligini ta’minlash borasida amalga oshirilayotgan ishlar yuzasidan o‘rganish olib borildi.

🛣 Mazkur o‘rganish Xalq deputatlari Sherobod tumani Kengashining navbatdagi sessiyasi kun tartibiga kiritilgan “Xavfsiz va ravon yo‘l” umummilliy dasturi doirasida tashkil etildi.

🔎 O‘rganish davomida tuman markazida joylashgan, hozirda faoliyat yuritmayotgan yer osti piyodalar yo‘lakchasi holati ko‘zdan kechirilib, mazkur obyekt bo‘yicha nazorat tadbiri o‘tkazildi.

O‘rganish yakunlari bo‘yicha aniqlangan kamchiliklarni bartaraf etish hamda fuqarolar uchun xavfsiz va qulay harakatlanish sharoitlarini yaratish yuzasidan tegishli taklif va tavsiyalar bildirildi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube