📚 2026-yil 15-sentabr kuni Toshkent shahar “Bilim” axborot-kutubxona markazida O‘zbekiston Respublikasi davlat mustaqilligining 35 yilligi munosabati bilan “Xotin-qizlar faolligi — jamiyat taraqqiyoti omili” mavzusida davra suhbati tashkil etildi.
Tadbirda Xalq deputatlari Chilonzor tumani Kengashi deputati Donoxon Artikovna Mahmudova, axborot-kutubxona markazi mutaxassislari, kitobxonlar, mahalla faol ayollari hamda yoshlar ishtirok etdi.
Davra suhbatini Chilonzor tumani Kengashi deputati D. Mahmudova ochib berib, bugungi kunda mamlakatimizda amalga oshirilayotgan keng ko‘lamli islohotlarda xotin-qizlarning faol ishtiroki tobora ortib borayotganini ta’kidladi.
Deputat o‘z nutqida xotin-qizlarning:
🔹 ta’lim olishi va bilimini oshirishi;
🔹 zamonaviy kasb-hunarlarni egallashi;
🔹 tadbirkorlik faoliyatini yo‘lga qo‘yishi;
🔹 jamiyat va davlat boshqaruvida faol ishtirok etishi;
🔹 huquq va qonuniy manfaatlarini himoya qilishi uchun yaratilayotgan imkoniyatlar haqida fikr bildirdi.
Shuningdek, D. Mahmudova Prezidentimiz tashabbusi bilan xotin-qizlarni har tomonlama qo‘llab-quvvatlash, ularning ijtimoiy-siyosiy faolligini oshirish, salohiyatini ro‘yobga chiqarish va munosib hayot kechirishi uchun yaratilayotgan shart-sharoitlarning ahamiyatiga alohida to‘xtaldi.
🎥 Tadbir davomida O‘zbekiston Respublikasi davlat mustaqilligining 35 yilligiga bag‘ishlangan videorolik namoyish etilib, unda mustaqillik yillarida amalga oshirilgan bunyodkorlik ishlari, xalqimizning tinch va farovon hayoti hamda yurtimizning taraqqiyot yo‘lidagi yutuqlari aks ettirildi.
📖 Shuningdek, AKM mutaxassislari tomonidan Vatanimizni madh etuvchi she’rlar ifodali o‘qildi. Bu esa tadbirga yanada ko‘tarinki ruh va samimiy kayfiyat bag‘ishladi.
🤝 Mazmunli va samimiy ruhda o‘tgan davra suhbati davomida xotin-qizlarning jamiyat hayotidagi o‘rni, ularning faolligini yanada oshirish hamda yosh avlod tarbiyasidagi mas’uliyati yuzasidan fikr-mulohazalar bildirildi.
🇺🇿 Mustaqil O‘zbekiston taraqqiyotida faol, bilimli va tashabbuskor xotin-qizlarning o‘rni beqiyos!