Olmaliq shahridagi “Yangi hayot”, “Ibn Sino”, “Abdulla Avloniy” hamda “Toshkent” mahalla fuqarolar yig'inlarida istiqomat qiluvchi aholi uchun o'zgacha ruhdagi ochiq muloqot bo'lib o'tdi.
Olmaliq texnika universiteti faollar zalida ushbu hududlardan saylangan deputatlar — Adham Xasanov, Mardonabonu Ergashova hamda Oybek Qurolboyevlarning saylovchilar bilan navbatdagi uchrashuvi tashkil etildi.

Muloqotda Xalq deputatlari shahar Kengashi Kotibiyati mudiri Sevar Qodirova, deputat Muhiddin Abdullayev, mahallalardagi “Mahalla yettiligi” a’zolari hamda shahardagi mutasaddi korxona va tashkilotlar mas’ullari ishtirok etishdi.

📌 Uchrashuvda qanday masalalar ko'rib chiqildi?
Hisobot va shaffoflik: Deputatlar o'z faoliyatlari, amalga oshirilgan ishlar hamda hududlarni rivojlantirish borasida bajarilayotgan loyihalar yuzasidan saylovchilarga batafsil axborot berishdi.
Yuzma-yuz muloqot: Muloqot davomida fuqarolar o'zlarini qiynayotgan dolzarb muammolar, xususan, infratuzilma, kommunal soha, bandlik va ijtimoiy masalalar yuzasidan to'g'ridan-to'g'ri deputatlarga hamda mutassaddi tashkilot va korxona vakillariga murojaat qilishdi.
Amaliy yechimlar: Murojaatlarning aksariyat qismi joyida joylashtirilgan bo'lsa, qo'shimcha o'rganish talab etiladigan murakkab masalalar bo'yicha mahalla yettiligi va tegishli tashkilot mas'ullari bilan birgalikda aniq chora-tadbirlar rejasi belgilab olindi.
"Aholi muammolarini joyida o'rganish va ularga Mahalla yettiligi hamda mutasaddi tashkilotlar bilan hamkorlikda yechim topish — deputatlik faoliyatining eng asosiy mezonidir."

Xalq bilan bunday jonli va doimiy muloqotlar hududlardagi muammolarni o'z vaqtida bartaraf etish hamda mahallasida istiqomat qilayotgan fuqarolar farovonligini oshirishga xizmat qiladi.