"Besh tashabbus olimpiadasi": Bandixonlik mahalla sportchilari "Mahalla ligasi"da taqdirlandi

Bandixon tumanida ommaviy sportni ommalashtirish, aholining barcha qatlamlarini, xususan, 30 yoshdan yuqori bo‘lgan fuqarolarni jismoniy tarbiya va sportga keng jalb etish borasida tizimli chora-tadbirlar amalga oshirilmoqda.

"Besh tashabbus olimpiadasi" doirasida o‘tkazilgan "Mahalla ligasi" musobaqalarining viloyat va tuman bosqichlarida g‘olib va sovrindor bo‘lgan jamoalarni tantanali taqdirlash marosimi bo‘lib o‘tdi.

Tadbirkorlik va jamoatchilik tadbirida Xalq deputatlari Bandixon tumani Kengashining 11-Bag‘rikeng saylov okrugi deputati J.Abdinazarov hamda tuman Kengashi bosh mutaxassisi B.Qurbonovlar qatnashib, g‘olib jamoalarga diplom va esdalik va qimmatbaho sovg‘alarini topshirdilar.

Aholi o‘rtasida sport musobaqalarini o‘tkazish va ularni rag‘batlantirish ishlari deputatlik nazorati ostida davom ettiriladi.