Xalq deputatlari Tomdi tumani Kengashi deputati, Kengash kotibiyati mudiri E.Mirzayev, xalq deputatlari tuman Kengashi deputati, “Xalqparvar” komissiyasi raisi J. Eshniyazova hamda Yoshlar maslahat guruhi a’zolari ishtirokida yig‘ilish o‘tkazildi.

Yig‘ilish davomida yoshlar bilan ishlash samaradorligini oshirish, ularning murojaat va takliflarini o‘rganish, yoshlarni qo‘llab-quvvatlash hamda mavjud muammolarini manzilli hal etish masalalari muhokama qilindi.

Shuningdek, yoshlarning bo‘sh vaqtini mazmunli tashkil etish, ularni sport, ta’lim, kasb-hunar va turli foydali mashg‘ulotlarga keng jalb etish, bandligini ta’minlash hamda tadbirkorlik tashabbuslarini qo‘llab-quvvatlash bo‘yicha amalga oshirilayotgan ishlar yuzasidan fikr almashildi.

Yig‘ilishda Yoshlar maslahat guruhi faoliyatini yanada takomillashtirish, yoshlar bilan ochiq muloqotni kuchaytirish va ularning tashabbuslarini qo‘llab-quvvatlashga qaratilgan takliflar bildirildi.

Yakunida belgilangan vazifalarni samarali amalga oshirish, yoshlar bilan ishlashda hamkorlikni yanada kuchaytirish hamda ularning muammolarini o‘z vaqtida hal etish bo‘yicha tegishli kelishuvlarga erishildi.