Ózbekstan Respublikası Oliy Majlisi Nızamshılıq palatası 4-Qaraqalpaqstan okruginen deputat B.Aldamuratov hám Xalıq deputatları Qaraózek rayonlıq Keńesi sekretariatı baslıǵı, 1-N.Japaqov okruginen deputat Q.Jaqsımuratov birgelikte rayonda úyreniwler hám saylawshılar menen ushırasıwlar ótkerdi.

Deputatlar dáslep rayonlıq medicina birlespesinde bolıp, xalıqqa medicinalıq xızmet kórsetiw baǵdarında imkaniyatlar hám jılıtıw tarmaǵınıń gúz-qıs máwsimine tayarlıǵı, medicinalıq shıǵındılar utilizaciyası, arnawlı shıǵındılar jaǵıw pechi – insineratorlardan paydalanıwı úyrenildi. Deputatlar rayonda «Baslamalı byudjet» baǵdarlamasınıń usı jıl birinshi máwsiminde jeńimpaz bolıp, qarjılandırılǵan Qutlı mákan MPJ aymaǵında medicina birlespesi janında  bos jer maydanında Respublika tez medicinalıq járdem orayı Qaraqalpaqstan filialı Qaraózek tez medicinalıq járdem bólimine jańadan bina qurıw joybarınıń orınlanıwın úyrendi.
Rayonlıq tez járdem bólimi jańa imaratı qurılısı ushın 1 mlrd 645 mln sum belgilenip, "KARAKALPAK WINDOWS " JShJ tárepinen binanıń qurılıs jumısları alıp barılmaqta.
Qurılıs aymaǵında ekologiyalıq qáwipsizlik hám qurılıs talaplarınıń orınlanıwı boyınsha maǵlıwmat berildi.