Xalq deputatlari Angor tumani Kengashi 1-Guliston saylov okrugi deputati Baxromov Isoxon Nosirovich hududida xalq deputatlari Angor tumani Kengashi kotibiyati mudiri M. Yarmatov ishtirokida mahalladagi obodonlashtirish ishlari hamda mavjud muammolar yuzasidan tahliliy o‘rganish olib borildi.

Mazkur o'rganishda xalq deputatlari tuman Kengashi kotibiyati bosh mutaxassis L.Xurramov ham faol ishtirok etdi.

O‘rganish davomida Guliston mahallasidagi Fayz ko‘chasining 500 metr qismi asfaltlanganligi, hududning infratuzilmasini yanada yaxshilash maqsadida yangi elektr energiyasi tarmog‘ini tortish ishlari rejalashtirilgani qayd etildi.

Shuningdek, hududda aniqlangan muammolarni bartaraf etish, aholi uchun qulay va munosib sharoit yaratish maqsadida tegishli tashkilotlarga deputatlik so‘rovlari yuborish masalasi belgilab olindi.

Deputatlik nazorati doirasidagi bunday o‘rganishlar mahallalarda obodonchilik, infratuzilma va aholi murojaatlarida ko‘tarilayotgan masalalarni manzilli hal etishga xizmat qiladi.