O‘rganish jarayonida savdo nuqtalarida aholiga yaratilgan shart-sharoitlar, xizmat ko‘rsatish sifati, savdo madaniyati hamda xaridorlar uchun qulayliklar bilan yaqindan tanishildi.
Shuningdek, savdo nuqtalari faoliyati davomida belgilangan talablarga rioya etilishi, mahsulotlarning tartibli joylashtirilishi va xaridorlarga xizmat ko‘rsatish darajasiga alohida e’tibor qaratildi.
Deputat tadbirkorlar bilan muloqot qilib, ularning faoliyatida uchrayotgan muammolar, mavjud imkoniyatlar va takliflarini tingladi. Aholiga xizmat ko‘rsatish sifatini yanada oshirish, xaridorlar uchun qulay va madaniy savdo muhitini yaratish bo‘yicha tegishli tavsiyalar berildi.
Bunday o‘rganishlar hududda tadbirkorlik sub’ektlari faoliyatini qo‘llab-quvvatlash, aholiga sifatli xizmat ko‘rsatishni ta’minlash va fuqarolarning manfaatlarini himoya qilishda muhim ahamiyat kasb etadi.