Xalq deputatlari Qo‘qon shahar Kengashiga 4-“Oq oltin” saylov okrugidan saylangan deputat F.Mamajonov tomonidan saylov okrugi hududidagi “Oq oltin” MFYda navbatdagi o‘rganish ishlari olib borildi.

O‘rganish davomida mahalla fuqarolar yig‘iniga biriktirilgan “Sanoat qurilish banki” agentlari faoliyati, shuningdek, fuqarolarning bank oldidagi kredit majburiyatlari va mavjud qarzdorliklarni undirish bo‘yicha amalga oshirilayotgan ishlar holati o‘rganildi.

Bank agenti Tojiboyev Xasanjon tomonidan taqdim etilgan ma’lumotlarga ko‘ra, yil boshida mahalla hududidagi fuqarolarning bank oldidagi kredit qarzdorligi jami 61 mln so‘mni tashkil etgan.

Joriy yilning o‘tgan davri mobaynida amalga oshirilgan ishlar natijasida 32 mln so‘mlik kredit qarzdorligi undirilgan.

Ayni vaqtda fuqarolarning bank oldidagi mavjud kredit qarzdorligi 28 mln so‘mni tashkil etmoqda.

O‘rganish jarayonida qolgan kredit qarzdorligini undirish bo‘yicha ham tegishli ishlar olib borilayotgani, qarzdor fuqarolar bilan tushuntirish ishlari tashkil etilayotgani hamda mavjud qarzdorliklarni bosqichma-bosqich bartaraf etish choralari ko‘rilayotgani ma’lum qilindi.

Xalq deputatlari Qo‘qon shahar Kengashi