📌 Joriy yilning 24-avgust kuni 13-Oq oltin saylov okrugidan saylangan deputat M. Bobojonova, tuman Kengashi kotibiyati bosh mutaxassisi D. Abdrimova hamda O‘zbekiston XDP tuman Kengashi raisi O. Akimova Oq oltin mahallasida bo‘lib, xonadonlarda olib borilayotgan tadbirkorlik faoliyatini o‘rgandilar.
🧵 O‘rganish davomida yakka tartibdagi tadbirkor Z. Sapayeva xonadonida bo‘lib, uning tikuvchilik yo‘nalishidagi faoliyati, yaratilgan sharoitlar va ish jarayoni bilan yaqindan tanishildi.
⚖️ O‘zbekiston Respublikasining “Oilaviy tadbirkorlik to‘g‘risida”gi Qonuni (O‘RQ-327-son, 2012-yil 26-aprel) oilaviy tadbirkorlikni tashkil etish va yuritishning huquqiy asoslarini belgilaydi. O‘rganish jarayonida mazkur qonunda belgilangan imkoniyatlardan samarali foydalanish, tadbirkorlikni rivojlantirish va aholi bandligini ta’minlash masalalariga alohida e’tibor qaratildi.
🔹 Tadbirkorning tikuvchilik faoliyati orqali oilaviy daromadni oshirish, bandlikni ta’minlash hamda xotin-qizlarning mehnat faoliyatini qo‘llab-quvvatlash imkoniyatlari muhokama qilindi.
🔹 Shuningdek, faoliyatni kengaytirish, mavjud muammolarni aniqlash va ularni tegishli tashkilotlar bilan hamkorlikda hal etish yuzasidan fikr-mulohazalar bildirildi.