#19_1_modda Garovsiz kredit ajratilishi bo‘yicha deputatlik o‘rganishi yo‘lga qo‘yildi
Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi tomonidan Vazirlar Mahkamasining 2021-yil 12-oktabrdagi 637-son qarori ijrosi yuzasidan hududlarda o‘rganish ishlari tashkil etilmoqda.
Mazkur qaror bilan “Temir daftar” va “Ayollar daftari”ga kiritilgan oilalar farzandlari hamda “Yoshlar daftari”ga kiritilgan yangi turmush qurgan yoshlarga yakka tartibdagi xonadonlarida qo‘shimcha uy-joy qurish uchun garovsiz kredit ajratish tartibi belgilangan.
Shu munosabat bilan doimiy komissiya tomonidan qaror ijrosini joylarda o‘rganish uchun maxsus so‘rovnoma ishlab chiqildi va ishchi guruhi tuzildi.
O‘rganish davomida:
🔹 garovsiz kredit olish uchun murojaat qilgan fuqarolar;
🔹 kredit ajratishning belgilangan tartibda amalga oshirilishi;
🔹 ajratilgan kredit mablag‘laridan maqsadli foydalanish;
🔹 uy-joy qurilishi bo‘yicha yaratilgan sharoitlar;
🔹 murojaatchilar duch kelayotgan muammo va to‘siqlar;
🔹 mas’ul tashkilotlarning ushbu yo‘nalishdagi faoliyati
atroflicha o‘rganiladi.
Mazkur o‘rganishlarning asosiy maqsadi — imtiyozli va garovsiz kreditlarning haqiqiy ehtiyojmand oilalar hamda yosh oilalarga manzilli yetib borishini ta’minlash, mavjud muammolarni aniqlash va ularning qonuniy yechimini topishdan iborat.
Deputatlik nazorati — muammo, yechim va natija sari!