Xalq deputatlari Sardoba tumani Kengashi deputati A. Muxammadiev tomonidan Nuroniylar bilan samimiy uchrashuv tashkil etildi. Ushbu muloqot davomida keksalarning turmush sharoiti, ijtimoiy qoʻllab-quvvatlash masalalari, sogʻliqni saqlash va ma'naviy muhitni mustahkamlashga doir fikr-mulohazalari tinglandi.
Nuroniylar tomonidan bildirilgan taklif va mulohazalar ahamiyat bilan oʻrganilib, ularning hayotiy tajribasidan samarali foydalanish, yosh avlod tarbiyasida keksalar ishtirokini kengaytirish masalalariga alohida e'tibor qaratildi. Shuningdek, uchrashuvda ijtimoiy xizmatlar sifatini oshirish, yolgʻiz keksalarni qoʻllab-quvvatlash va mahalla darajasida hamjihatlikni mustahkamlash boʻyicha amaliy takliflar ilgari surildi.
Deputat tomonidan bildirilgan har bir murojaat va taklif yuzasidan tegishli choralar koʻrish, mas'ul tashkilotlar bilan hamkorlikda muammolarni hal etish boʻyicha vazifalar belgilab olindi. Mazkur uchrashuv nuroniylarga boʻlgan e'tibor va ehtiromni yanada mustahkamlash, jamiyatda oʻzaro hurmat va hamjihatlikni kuchaytirishga xizmat qildi.