Xalq deputatlari Sardoba tumani Kengashi deputati E.Nazarov tomonidan tuman poliklinikasida aholiga birlamchi tibbiy yordam doirasida bepul berilayotgan dori vositalari ta’minoti va ularning aholiga yetkazib berilish holati o‘rganildi.
O‘rganish davomida mavjud zaxiralar, dori vositalarining hisob-kitobi hamda aholi murojaatlari tahlil qilinib, ayrim masalalarda tizimli ishlarni yana-da kuchaytirish zarurligi qayd etildi. Xususan, bepul dori vositalarining o‘z vaqtida va manzilli yetkazilishi ustidan nazoratni kuchaytirish bo‘yicha mas’ullarga tegishli tavsiyalar berildi.
Ta’kidlanganidek, aholining tibbiy xizmatdan roziligini ta’minlash har bir mas’ul xodimning ustuvor vazifasi bo‘lib qolmoqda. Masala deputatlik nazoratiga olindi.