BEPUL DORI-DARMONLAR — AHOLI SALOMATLIGI YO‘LIDA

✅ 3-sonli oilaviy poliklinikada o‘rganish ishlari olib borildi

Xalq deputatlari Navoiy shahar Kengashi deputati Xudayqulova Nargiza Gaybullayevna 3-sonli oilaviy poliklinikada fuqarolarga belgilangan tartibda bepul beriladigan dori-darmonlar ta’minoti bilan bog‘liq jarayonlarni o‘rgandi.

🔹 Tashrif davomida fuqarolarga bepul ajratiladigan dori vositalarining mavjudligi, ularni saqlash hamda aholiga belgilangan tartibda yetkazib berilishi bilan bog‘liq masalalarga e’tibor qaratildi.

🤝 Shuningdek, fuqarolar bilan muloqot davomida ularning murojaat va takliflari tinglanib, dori-darmon ta’minoti yuzasidan fikrlari o‘rganildi.

📌 Aholini zarur dori vositalari bilan ta’minlash, ayniqsa, imtiyozli toifaga mansub fuqarolarga belgilangan bepul dori-darmonlarni o‘z vaqtida yetkazib berish muhim vazifalardan biridir.
Xudayqulova Nargiza Gaybullayevna tomonidan ushbu yo‘nalishdagi ishlarni doimiy ravishda o‘rganib borish, aniqlangan masalalar yuzasidan tegishli mutasaddilar bilan hamkorlik qilish hamda fuqarolar murojaatlarining qonuniy hal etilishini nazoratga olish belgilandi.

🌿 Inson salomatligi — oliy qadriyat.
Aholi manfaatlari — doimo e’tiborda!