♻️ Chiqindilarni to‘g‘ri boshqarish — toza va sog‘lom kelajak garovi!

📖 Oʻzbekiston Respublikasining “Chiqindilar toʻgʻrisida”gi Qonuni chiqindilar bilan bog‘liq munosabatlarni huquqiy jihatdan tartibga solish, inson salomatligini muhofaza qilish hamda atrof-muhitni asrashga qaratilgan muhim huquqiy hujjatlardan biridir.

Mazkur Qonunning asosiy maqsadi:

🌿 chiqindilar hosil bo‘lishining oldini olish va ularning hajmini kamaytirish;
♻️ chiqindilarni saralash, qayta ishlash va ulardan oqilona foydalanishni rivojlantirish;
🌍 atrof-muhitni ifloslanishdan muhofaza qilish;
👨‍👩‍👧‍👦 fuqarolarning ekologik xavfsizligini va sog‘lig‘ini ta’minlash;
⚖️ chiqindilar bilan ishlash sohasida qonunchilik talablariga rioya etilishini ta’minlash.

Har bir fuqaro:

✅ chiqindilarni belgilangan joylarga tashlashi;
✅ maishiy chiqindilarni imkon qadar saralashi;
✅ qayta ishlanishi mumkin bo‘lgan chiqindilarni alohida yig‘ishi;
✅ tabiatni ifloslantirmasligi va ekologik madaniyatga rioya qilishi lozim.

🌱 Toza hudud — sog‘lom hayot, obod kelajak demakdir. Chiqindilarni to‘g‘ri boshqarish, ularni kamaytirish va qayta ishlash orqali tabiatni asrash hamda kelajak avlodlarga musaffo atrof-muhitni qoldirish barchamizning umumiy burchimizdir.