Deputat mektep jumısı menen tanıstı

✅ Xalıq deputatları Shımbay rayonlıq Keńesi deputatı G.Bayjanova tárepinen aymaqtaǵı 37-sanlı ulıwma bilim beriw mektebiniń jumısı úyrenildi.


Úyreniw dawamında tálim-tárbiya procesiniń shólkemlestiriliwi, oqıwshılarǵa jaratılǵan sharayatlar, pedagoglardıń jumısı, mekteptiń materiallıq-texnikalıq bazası hám klasslardıń jaǵdayı menen jaqınnan tanıstı.

Sonday-aq, oqıwshılardıń sapalı bilim alıwı ushın jaratılǵan imkaniyatlar, mektepte ruwxıy-aǵartıwshılıq, sport hám dógerek shınıǵıwların shólkemlestiriw, oqıwshılardıń qatnasın támiyinlew hám ata-analar menen birge islesiw máselelerine itibar qaratıldı.

Deputat tárepinen mektepte bilimlendiriwdiń sapasın bunnan bılay da arttırıw, bar mashqalalardı úyreniw hám olardı saplastırıw, oqıwshılar ushın qolaylı hám qáwipsiz bilimlendiriw ortalıǵın jaratıw boyınsha tiyisli usınıs hám usınıslar bildirildi.