Deputat mekteptegi ońlaw jumısları menen tanıstı

Xalıq deputatları Shımbay rayonlıq Keńesi deputatı A.Sultanbaev “Tazajol” MPJ aymaqtaǵı 12-sanlı ulıwma bilim beriw mektebinde alıp barılıp atırǵan ońlaw jumıslarınıń jaǵdayı úyrenildi.

Úyreniw dawamında mektep imaratınıń ońlanıp atırǵan bólimleri, klass xanaları, jollar, tóbe bólegi hám basqa da zárúr obektlerde ámelge asırılıp atırǵan qurılıs-ońlaw jumısları kózden ótkerildi.

Sonday-aq, ońlaw jumıslarınıń belgilengen talaplar tiykarında, sapalı hám óz waqtında orınlanıwı, paydalanılıp atırǵan qurılıs materiallarınıń sapası jáne oqıwshılar ushın qolaylı hám qáwipsiz sharayat jaratıw máselelerine ayrıqsha itibar qaratıldı.

Deputat tárepinen bar kemshiliklerdi saplastırıw, ońlaw jumısların belgilengen múddetlerde juwmaqlaw hám mektepte bilim alıwshılar ushın múnásip sharayatlardı támiyinlew boyınsha tiyisli usınıs hám usınıslar bildirildi.