Deputat tomonidan olib borilgan o‘rganishlarda mazkur elektr shiti himoya panjarasisiz va xavfsizlik talablariga to‘liq javob bermasligi aniqlangan. Ayniqsa, ushbu hududda istiqomat qilayotgan fuqarolar, bolalar va piyodalar uchun elektr toki urishi hamda qisqa tutashuv kabi xavf-xatarlar mavjudligi qayd etilgan.

Mazkur holat yuzasidan Termiz shahar elektr ta’minoti korxonasi rahbariyatiga deputat so‘rovi kiritilib, muammoni bartaraf etish va mas’ullar tomonidan amalga oshirilgan ishlar haqida ma’lumot taqdim etish so‘ralgan.

Deputat so‘rovi natijasida elektr taqsimlash shiti atrofida zarur qurilish-ta’mirlash ishlari amalga oshirildi hamda obyekt maxsus temir panjara bilan o‘rab, xavfsiz holatga keltirildi.

Bu esa deputatlik nazorati orqali fuqarolar murojaatlari o‘z vaqtida o‘rganilib, aholi xavfsizligini ta’minlashga qaratilgan amaliy choralar ko‘rilayotganining yana bir amaliy ifodasidir.

Xalq deputatlari Termiz shahar Kengashi deputatlari tomonidan hududlarda aniqlanayotgan muammolarni bartaraf etish va fuqarolarning qonuniy manfaatlarini himoya qilish borasidagi ishlar izchil davom ettirilmoqda.