⚖️ QONUN USTUVORLIGI VA HUQUQIY HAMKORLIK

📌 Xalq deputatlari Sherobod tumani Kengashi kotibiyati mudiri O. Tursunov, tuman Adliya bo‘limi boshlig‘i R. Berdiyev hamda “Madad” muassasa shaklidagi nodavlat notijorat tashkiloti bosh mutaxassisi S. Ochilov ishtirokida fuqarolar murojaatlarini o‘rganish, qonunlar targ‘ibotini kuchaytirish hamda huquqiy hamkorlik masalalari yuzasidan uchrashuv va o‘rganish ishlari olib borildi.

🤝 Tadbir davomida fuqarolarning qonuniy huquq va manfaatlarini himoya qilish, murojaatlarni amaldagi qonunchilik asosida o‘rganish hamda ularning huquqiy yechimini ta’minlash borasida hamkorlik masalalari muhokama qilindi.

📚 Shuningdek, Xalq deputatlari Sherobod tumani Kengashi tomonidan normativ tusga ega bo‘lgan qarorlarni qabul qilish jarayonlarida huquqiy ekspertiza va Adliya organlari bilan hamkorlikni yanada kuchaytirish, qonun hujjatlarining mazmun-mohiyatini aholi va deputatlarga yetkazish hamda huquqiy targ‘ibot ishlarini samarali tashkil etish masalalariga alohida e’tibor qaratildi.

⚖️ “Madad” NNT bilan hamkorlikda aholiga bepul huquqiy yordam ko‘rsatish, fuqarolarning murojaatlarini huquqiy jihatdan o‘rganish va ularning qonuniy manfaatlarini himoya qilish bo‘yicha amaliy choralar belgilab olindi.

📝 Uchrashuv yakunida qonunlar targ‘iboti, huquqiy savodxonlikni oshirish, fuqarolar murojaatlari bilan ishlash hamda Kengash faoliyatida huquqiy hamkorlikni yanada rivojlantirish yuzasidan tegishli kelishuvlarga erishildi.

Xalq deputatlari Sherobod tumani Kengashi kotibiyati matbuot xizmati.