📍 Sherobod tumani Boybuloq mahallasi Bobotepa qishlog'ida PQ-141-sonli qaror asosida amalga oshirilayotgan ishlar yuzasidan mahalla faollari bilan uchrashuv o‘tkazildi

Sherobod tumani Boybuloq mahallasi Bobotepa qishlog'ida O‘zbekiston Respublikasi Prezidentining 2024-yil 28-martdagi “Islom taraqqiyoti banki ishtirokida «Qishloq joylarni kompleks rivojlantirish» (2-bosqich) loyihasini amalga oshirish chora-tadbirlari to‘g‘risida”gi PQ-141-sonli qarori asosida belgilangan amaliy ishlar boshlangan bo‘lib, bugungi kunda ularni amalga oshirish jarayoni davom etmoqda.

🤝 Mazkur masala yuzasidan xalq deputatlari Sherobod tuman Kengashi 7-Boybuloq saylov okrugi deputati L. Hakimova hamda deputat Q. Rahamov, shuningdek, tumandagi tegishli mas’ul tashkilotlar rahbarlari ishtirokida mahalla faollari bilan uchrashuv o‘tkazildi.

💬 Uchrashuv davomida PQ-141-sonli qaror asosida Boybuloq mahallasida amalga oshirilayotgan ishlarning borishi muhokama qilindi. Mahalla faollarining mazkur masala yuzasidan fikr-mulohazalari, taklif va tavsiyalari tinglandi.

📝 Bildirilgan takliflar hamda ko‘tarilgan masalalar yuzasidan mas’ul rahbarlar va deputatlar tomonidan tegishli tavsiyalar berildi.

📌 Bunday uchrashuvlar masalalarni joyida o‘rganish, mahalla faollarining fikr va takliflarini inobatga olish hamda belgilangan ishlarning samarali amalga oshirilishini ta’minlashda muhim ahamiyat kasb etadi.

Xalq manfaatlari yo‘lida — ochiq muloqot va amaliy hamkorlik!

Xalq deputatlari Sherobod tumani Kengashi kotibiyati matbuot xizmati.