🇺🇿🇺🇿🇺🇿 Deputatlik so‘rovi orqali maktabgacha ta’lim tashkilotidagi muammoga yechim izlanmoqda

✅ Xalq deputatlari Boysun tuman Kengashining 21-sonli “Munchoq” saylov okrugidan saylangan deputat Boltaeva Madina Shoto‘rayevna tomonidan fuqarolar murojaati asosida deputatlik so‘rovi yo‘llandi.

✅ Mazkur deputatlik so‘rovi O‘zbekiston Respublikasi Oliy Majlisi Senati Kengashining 2025-yil 14-apreldagi “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning «mahalla yettiligi» bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-V-son qarori ijrosini o‘rganish va nazorat qilish jarayonida aniqlangan muammolar yuzasidan amalga oshirildi.

✅ Xususan, “Munchoq” mahallasi hududidagi 14-son maktabgacha ta’lim tashkilotida olib borilayotgan qurilish ishlariga ayrim fuqarolar tomonidan xalaqit berilayotgani, tashkilot hududiga qo‘shimcha darvoza o‘rnatilmagani sababli kuz-qish mavsumida foydalanish uchun mo‘ljallangan ko‘mir mahsulotlarini ko‘mir omboriga kiritishda qiyinchiliklar yuzaga kelayotgani ma’lum qilingan.

✅ Ushbu holat maktabgacha ta’lim tashkilotining kuz-qish mavsumiga tayyorgarligiga salbiy ta’sir ko‘rsatishi mumkinligi inobatga olinib, muammoni amaliy hal etish maqsadida mas’ul tashkilotga deputatlik so‘rovi kiritildi.

✅ So‘rovda tashkilot hududida qurilish ishlarini amalga oshirishga xalaqit berayotgan bir dona daraxtni belgilangan tartibda olib tashlash hamda muassasa hududiga qo‘shimcha darvoza o‘rnatish masalasida amaliy yordam ko‘rsatish so‘ralgan.

✅ Bu kabi deputatlik so‘rovlari aholi murojaatlarini joyida o‘rganish, mavjud muammolarni mas’ul tashkilotlar oldiga qonuniy tartibda qo‘yish va ularning amaliy yechimini ta’minlashda muhim ahamiyat kasb etadi.

✅ Shu bilan birga, deputatlik so‘rovlarining belgilangan muddatlarda va sifatli ko‘rib chiqilishi qonunchilikda nazarda tutilgan. Xususan, Ma’muriy javobgarlik to‘g‘risidagi kodeksning 193-moddasida deputat so‘rovini ko‘rib chiqmasdan qoldirish, uni ko‘rib chiqish muddatlarini uzrli sabablarsiz buzish yoki bila turib noto‘g‘ri ma’lumot taqdim etish uchun javobgarlik belgilangan.

✅ Deputatlik nazoratining bunday shakllari aholi manfaatlarini himoya qilish, ijtimoiy ob’ektlarning mavsumiy tayyorgarligini ta’minlash va hududlardagi muammolarni o‘z vaqtida bartaraf etishga xizmat qiladi.