#deputat_faoliyati
#kotibiyat_xodimi_faoliyati
#deputat_okrugida

“Do‘stlik” mahallasida mikroloyihalar va yoshlar bilan ishlash holati o‘rganildi

Xalq deputatlari tuman Kengashiga 11-Sariq saylov okrugidan saylangan deputat Ch.Alimov tuman Kengashi kotibiyati bosh mutaxassisi J.Donayev bilan birgalikda o‘z saylov okrugi hududidagi “Do‘stlik” mahallasida mikroloyihalar hamda yoshlar yetakchisi faoliyati bilan tanishdi.
O‘rganish davomida mahalla hududidagi 1-sonli texnikum yonida yosh tadbirkor tomonidan yengil konstruksiya asosida ovqatlanish shoxobchasi barpo etish bo‘yicha amalga oshirilayotgan loyiha va loyiha-smeta hujjatlari ko‘rib chiqildi.

Shuningdek, mahalla yoshlar yetakchisi tomonidan yoshlar bilan ishlash, ularning bandligini ta’minlash va bo‘sh vaqtini mazmunli tashkil etish borasida amalga oshirilayotgan ishlar o‘rganildi.

Ma’lumotlarga ko‘ra, mahallada 0–30 yoshgacha bo‘lgan 1 346 nafar yosh, shundan 14–30 yoshdagi 766 nafar yosh istiqomat qiladi. Bugungi kunda mahallada ishsiz yoshlar mavjud emasligi qayd etildi. Joriy yilgi bitiruvchilarni ham ish bilan ta’minlash bo‘yicha tegishli rejalar ishlab chiqilgani ma’lum qilindi.

O‘rganish yakunida mikroloyihalarni sifatli amalga oshirish hamda yoshlar bandligini ta’minlash bo‘yicha ishlarni izchil davom ettirish yuzasidan tegishli tavsiya va takliflar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram