Deputatlar tárepinen rayon orayındaǵı sawda orınlarında tártip-intizamdı támiyinlew hám olardıń jumısın belgilengen talaplarǵa muwapıq shólkemlestiriw máseleleri dodalandı

🔶 Májiliste Xalıq depuataları Shımbay rayonlıq Keǹesı sekretariat baslıǵı M.Zarikeev, turaqlı komissiya baslıqları, rayonlıq keǹes deputatlar hámde tiyisli taraw qániygeleri qatınastı.

Dodalaw dawamında sawda orınlarınıń sanitariyalıq-gigienalıq jaǵdayı, sawda jumısın ámeldegi nızamshılıq talaplarına muwapıq shólkemlestiriw, nızamsız sawda jaǵdaylarınıń aldın alıw, qarıydarlar ushın qolaylı hám qáwipsiz sharayatlar jaratıw jáne aymaqtıń abadanlastırılǵan kórinisin saqlaw máseleleri kórip shıǵıldı.

Sonday-aq, juwapker shólkemlerge anıqlanǵan kemshiliklerdi saplastırıw, sawda orınlarında belgilengen tártip-qaǵıydalarǵa qatań ámel etiliwin támiyinlew hám bul baǵdarda qadaǵalaw ilajların kúsheytiw boyınsha tiyisli usınıslar berildi.