Xalq deputatlari Bag‘dod tumani Kengashi deputati Musurmonqulov Farxodjon Yulchiyevich tomonidan Bag‘dod tumani Maktabgacha va maktab ta’limi bo‘limiga deputat so‘rovi yuborildi.

Deputat so‘rovida Bag‘dod tumani "Bekobod" mahalla fuqarolar yig‘ini hududida joylashgan sobiq tuman Mudofaa bo‘limi binosini Maktabgacha va maktab ta’limi bo‘limi balansiga o‘tkazish masalasi ko‘tarildi.

Jumladan, Farg‘ona viloyati Mudofaa boshqarmasi tomonidan mazkur bino bo‘yicha rozilik xati berilganligi inobatga olinib, ushbu rozilik xati ijrosi yuzasidan bino belgilangan tartibda balansga o‘tkazilgan yoki o‘tkazilmaganligi, bu borada amalga oshirilgan ishlar hamda qabul qilingan hujjatlar to‘g‘risida asoslantirilgan ma’lumot taqdim etish so‘ralgan.

Mazkur deputat so‘rovi O‘zbekiston Respublikasining "Xalq deputatlari viloyat, tuman va shahar Kengashi deputatining maqomi to‘g‘risida"gi Qonunining 5- va 8-moddalariga muvofiq yuborilgan bo‘lib, belgilangan muddatlarda ko‘rib chiqilishi nazoratga olingan.