Joqarǵı Keńes deputatı Shımbay rayonında saylawshılar menen ushırastı

Búgin Qaraqalpaqstan Respublikası Joqarǵı Keńesi 58-sanlı “Tazajol” saylaw okruginen deputatı F.Palvanova Shımbay rayonı hákimliginiń májilisler zalında óz saylawshıları menen ushırasıw ótkerdi.

Ushırasıwda Xalıq deputatları Shımbay rayonlıq Keńesi baslıǵı O.Tolıbekov, rayonlıq deputatlar, kóshe biyleri, nuroniyler, máhálle jetiligi, tiyisli mákeme hám shólkem basshıları, hám ǵalaba xabar quralları vakilleri qatnastı.

📋 Ushırasıwdıń tiykarǵı kún tártibi:
-          Reformalar hám nızamshılıq: Mámleketimizde sońǵı dáwirde qabıl etilgen nızamlar, Prezident pármanları hám Joqarǵı Keńes qararlarınıń mazmun-mánisi xalıqqa keńnen túsindirildi.
-          Aymaqtı socialıq-ekonomikalıq rawajlandırıw: «Tazajol» saylaw okrugine qaraslı aymaqlarda ámelge asırılıp atırǵan abadanlastırıw hám infrastrukturanı jaqsılaw jumısları talıqlandı.
-          Puqaralar múrájatları: Saylawshılar tárepinen ishimlik suwı támiynatı, ishki jollardı ońlaw, elektr energiyası hám bándlik maseleleri boyınsha bir qatar usınıs hám múrájatlar bildirildi.
 «Xalıqtıń máplerin qorǵaw, olardıń kótergen hár bir orınlı máselesine sheshim tabu hám aymaqtı rawajlandırıw — deputatlıq iskerligimdiń baslı baǵdarı bolıp qala beredi.»
Ushırasıw juwmaǵında puqaralar tárepinen bildirilgen múrájatlardıń bir bólegi orında unamlı sheshilgen bolsa, waqıt hám úyreniwdi talap etetuǵın máseleler boyınsha tiyisli mekemelerge deputatlıq sorawın jiberiw hám qadaǵalawǵa alıw belgilendi.

«Xalıqtıń máplerin qorǵaw, olardıń kótergen hár bir orınlı máselesine sheshim tabu hám aymaqtı rawajlandırıw — deputatlıq iskerligimdiń baslı baǵdarı bolıp qala beredi.»