Saylovchilar bilan uchrashuvda ko‘tarilgan muammolar amaliy yechim topmoqda

📍Xalq deputatlari Samarqand viloyati Kengashi deputati, 50-Do‘stlik saylov okrugidan saylangan Mizrob Toshov tomonidan 2025-yilning dekabr oyida saylovchilar bilan o‘tkazilgan uchrashuvlarda hudud aholisini qiynab kelayotgan qator masalalar atroflicha o‘rganilgan edi.

➡️ Xususan, Samarqand tumanidagi Yuqori Qaynama, Quyi Qaynama va Zahlik mahallalari aholisi tomonidan ichki yo‘llarni ta’mirlash, elektr energiyasi ta’minotini yaxshilash, eskirgan simyog‘ochlarni yangilash hamda boshqa dolzarb masalalar yuzasidan murojaatlar bildirilgan.

📌 Deputat tomonidan ushbu masalalar nazoratga olinib, mutasaddi tashkilotlar bilan hamkorlikda amaliy ishlar boshlab yuborildi. Natijada Yuqori Qaynama mahallasiga 15 ta yangi beton ustunlar olib kelinib, ularni o‘rnatish ishlari boshlandi.

✍️ Mazkur tashabbus hududdagi elektr ta’minoti sifatini yaxshilash, mavjud muammolarni bosqichma-bosqich bartaraf etish hamda aholi uchun yanada qulay sharoitlar yaratishga xizmat qilmoqda.

🤝 Mahalla aholisi murojaatlar e’tiborsiz qoldirilmagani, ko‘tarilgan masalalar yuzasidan qisqa muddatda amaliy choralar ko‘rilayotganini mamnuniyat bilan qayd etib, olib borilayotgan ishlarga ijobiy baho bermoqda.

🌀 Fuqarolar bilan ochiq muloqot qilish, ularning taklif va muammolarini joyida o‘rganish hamda amaliy yechimlar ishlab chiqish deputatlik faoliyatining muhim yo‘nalishlaridan biri bo‘lib qolmoqda.