Olmaliq shahar “Oydin” dehqon bozorida aholiga ko‘rsatilayotgan xizmatlar sifati va mahsulotlar narxini o‘rganish maqsadida navbatdagi jamoatchilik nazorati tadbiri o‘tkazildi.

O‘rganish jarayonida Xalq deputatlari Olmaliq shahar Kengashi kotibiyati mudiri Sevara Qodirova hamda bosh mutaxassis Muhriddin Begmatov va bozor ma'muriyati qatnashdilar.

O‘rganish markazida quyidagi masalalar bo‘ldi:
✅Zaxira va ta’minot: Aholi iste’moli uchun zarur bo‘lgan asosiy turdagi oziq-ovqat mahsulotlarining yetarliligi va uzluksizligi;
✅Sanitariya holati: Savdo rastalari hamda bozor hududining tozalik va gigiyena talablariga javob berishi;
✅Narxlar shaffofligi: Mahsulotlar narxlari xaridorlar uchun ko‘rinarli darajada rastalarga ilib qo‘yilganligi.

Tadbir davomida bozor ma’muriyatiga narxlarni sun’iy ravishda oshirmaslik hamda sotuvchilar va xaridorlar uchun yaratilgan sharoitlarni yanada yaxshilash yuzasidan tegishli tavsiyalar berildi.

✅Maqsadimiz — shahrimiz aholisining sifatli va hamyonbop mahsulotlar bilan ta’minlanishini kafolatlashdir.