Xalq deputatlari Pastdarg‘om tuman Kengashining navbatdagi sessiyasi kun tartibiga tumandagi ehtiyojmand oilalar xonadonlarini energiya tejamkor qilib ta’mirlash ishlariga qo‘shimcha mablag‘ ajratish masalasi kiritilgan.

Mazkur masala yuzasidan deputatlik nazoratini amalga oshirish maqsadida Xalq deputatlari Pastdarg‘om tuman Kengashi deputati D. To‘ychiyeva tomonidan Uchtepa MFY hududida mablag‘ ajratilgan nogironligi bo‘lgan fuqarolar xonadonlarida olib borilayotgan ta’mirlash ishlari joyiga chiqib o‘rganildi.

Jumladan, Meyliyeva Sojida xonadonida amalga oshirilayotgan qurilish-ta’mirlash ishlari holati ko‘zdan kechirilib, bajarilayotgan ishlarning sifati, energiya tejamkorlik talablari asosida olib borilishi hamda belgilangan muddatlarda yakunlanishi masalalariga alohida e’tibor qaratildi.