Xalq deputatlari Qo‘qon shahar Kengashi deputati M.Axmedova tomonidan saylovchilar manfaatlarini himoya qilish hamda hududdagi mavjud muammolarni bartaraf etish maqsadida yuborilgan deputatlik so‘rovi yuzasidan mas’ul tashkilot tomonidan rasmiy javob taqdim etildi.

Mazkur deputatlik so‘rovida "G‘alchasoy" mahalla fuqarolar yig‘ini hududidagi Rudakiy va Munavvar ko‘chalarining ta’mirtalab holati ko‘tarilib, ushbu yo‘llarni ta’mirlash bo‘yicha amaliy choralar ko‘rish so‘ralgan edi.

Qo‘qon shahar Obodonlashtirish boshqarmasi tomonidan taqdim etilgan rasmiy javobga ko‘ra, murojaat atroflicha o‘rganilib, Rudakiy ko‘chasi 2026-yilgi “Manzilli dastur”ga kiritilganligi hamda ta’mirlash ishlari bosqichma-bosqich amalga oshirilishi ma’lum qilindi.

Ushbu natija deputatlik so‘rovlari orqali fuqarolar murojaatlarini amaliy yechimga yo‘naltirish, hudud infratuzilmasini yaxshilash va aholi uchun qulay sharoitlar yaratish borasida olib borilayotgan ishlarning samarali natijasidir.

Mazkur masalaning ijrosi Xalq deputatlari Qo‘qon shahar Kengashi deputati M.Axmedova tomonidan nazorat qilib boriladi.

Xalq deputatlari Qo‘qon shahar Kengashi