🏛 Deputatlar hududda amalga oshirilayotgan obodonlashtirish ishlari bilan tanishdi.
Xalq deputatlari  tuman Kengashiga 2-"Jarbuloq" saylov okrugi deputati B.Amanov, Jizzax viloyati Kengashining "9-O'smat" saylov okrugidan saylangan deputati N.Kamolova tumandagi "Do‘stlik" mahallasida amalga oshirilayotgan infratuzilmani yaxshilash ishlari bo'yicha o‘rnatilayotgan beton elektr uzatish ustunlari bilan tanishdi.
Tashrif davomida hududda olib borilayotgan qurilish-montaj ishlarining sifati, belgilangan rejalarning ijrosi va aholi uchun xavfsiz va barqaror elektr ta’minotini ta’minlashga qaratilgan chora-tadbirlar yuzasidan mutasaddilarning axboroti eshitildi.
Deputatlar tomonidan ishlar sifatli, belgilangan muddatlarda yakunlanishi, aholi manfaatlarini ta’minlash, hududlarni yanada obod va farovon etishga qaratilgan loyihalar ustidan jamoatchilik va deputatlik nazoratini izchil davom ettirish muhimligi ta’kidlandi.