Xalq deputatlari Pastdarg‘om tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi yig‘ilishida “Oltiqahramon” MFYida “Mening bog‘im” loyihasi doirasida “Yashil bog‘” tashkil etish masalasi ko‘rib chiqildi.

Yig‘ilishda mutasaddi tashkilotlar tomonidan loyiha yuzasidan taqdim etilgan ma’lumotlar, ishchi guruh va ekspertlarning fikr-mulohazalari muhokama qilinib, masalani tuman Kengashining navbatdagi sessiyasi kun tartibiga kiritish belgilandi.

O‘zbekiston Respublikasi Vazirlar Mahkamasining 2024-yil 26-martdagi 156-son qarori asosida “Oltiqahramon” MFY hududidagi 0,50 gektar yer maydonida “Yashil bog‘” tashkil etish tashabbusi “Tashabbusli byudjet” da fuqarolar tomonidan ilgari surilgan va ovoz berish yakunlariga ko‘ra g‘olib deb topilgan.

Doimiy komissiya tomonidan ekologik muhitni yaxshilashga qaratilgan tashabbus qo‘llab-quvvatlandi.