Hokim yordamchisi faoliyati deputat e’tiborida.

Xalq deputatlari Angor tumani Kengashi kotibiyat mudiri 6-Qorasuv saylov okrugi deputati Jamshid Raximqulov tomonidan Qorasuv mahallasida hokim yordamchisi faoliyati o‘rganildi.

O‘rganish jarayonida mahallada aholi bandligini ta’minlash, tadbirkorlikni rivojlantirish, fuqarolarni doimiy daromad manbalariga ega qilish, kredit va subsidiya ajratish bo‘yicha amalga oshirilayotgan ishlar tahlil qilindi. Shuningdek, “Kambag‘allikdan farovonlik sari” dasturi doirasida olib borilayotgan chora-tadbirlar hamda fuqarolar murojaatlari bilan ishlash holati ko‘zdan kechirildi.

Hokim yordamchisi tomonidan mahallada yangi ish o‘rinlarini yaratish, tadbirkorlik tashabbuslarini qo‘llab-quvvatlash va ijtimoiy himoyaga muhtoj oilalarni qo‘llab-quvvatlash borasida amalga oshirilayotgan ishlar yuzasidan deputatga batafsil ma’lumot berildi.

O‘rganish yakunida deputat tomonidan mavjud muammolarni bartaraf etish, aholi bandligini yanada oshirish hamda mahallada olib borilayotgan islohotlar samaradorligini kuchaytirish yuzasidan deputat tomonidan tegishli tavsiyalar berildi.