Mahalla yettiligi faoliyatidan.

Xalq deputatlari Angor tumani Kengashi 13-Angor saylov okrugi deputati Jo‘rayev Akbar Nortojiyevich tomonidan mahalla yettiligi faoliyati doirasida hokim yordamchisining faoliyati o‘rganildi.

O‘rganish jarayonida hokim yordamchisi Bayirov Ulug‘bek tomonidan mahallada amalga oshirilgan ishlar, aholi bandligini ta’minlash,tadbirkorliknirivojlantirish hamda fuqarolarning daromadlarini oshirish borasida olib borilayotgan chora-tadbirlar yuzasidan batafsil ma’lumot berildi.Shuningdek, hokim yordamchisi tomonidan fuqarolarga ajratilgan imtiyozli va manzilli kreditlar, subsidiya va ko‘maklar, yangi ish o‘rinlarini yaratish hamda kambag‘allikni qisqartirish yo‘nalishida amalga oshirilgan ishlar tahlil qilindi.

Deputat tomonidan mahallada iqtisodiy faollikni oshirish, aholini tadbirkorlikka jalb etish va mavjud muammolarni hal etish bo‘yicha olib borilayotgan ishlar o‘rganilib, faoliyat samaradorligini yanada oshirish yuzasidan deputat tomonidan tegishli tavsiya va takliflar bildirildi.