Qo‘ng‘irot mahallasidagi kanallar holati deputat nazoratida

Xalq deputatlari Termiz tuman Kengashi deputati R. Shamanov tomonidan tuman “Suv yetkazib berish xizmati” davlat muassasasi rahbarining suv resurslarini boshqarish, suv xo‘jaligi obyektlarining texnik holatini yaxshilash hamda tumanda suv tejovchi sug‘orish texnologiyalarini joriy etish holati to‘g‘risidagi hisoboti yuzasidan sessiyaga kiritilayotgan masala doirasida o‘rganish ishlari olib borilmoqda.

O‘rganish jarayonida deputat Qo‘ng‘irot mahallasi hududidagi irrigatsiya kanallari va suv xo‘jaligi obyektlarining holatini ko‘zdan kechirdi. Kanallarning texnik ahvoli, suv o‘tkazish imkoniyatlari, tozalash ishlari hamda suv taqsimotining samaradorligi yuzasidan mavjud holat tahlil qilindi.

Mazkur o‘rganish natijalari asosida sessiyada ko‘rib chiqiladigan masala yuzasidan tegishli taklif va tavsiyalar shakllantirilib, suv resurslaridan samarali foydalanish hamda suv xo‘jaligi obyektlarining texnik holatini yaxshilash bo‘yicha amaliy choralar belgilanishi ko‘zda tutilgan.