🔷Xalq deputatlari Oqoltin tumani Kengashi deputati Berdiyarov Yakubjon Isroilovich hamda Kengash kotibiyati mudiri Turdiyev Nazar Ilyashevichlar tomonidan Oqoltin tumanini ijtimoiy-iqtisodiy rivojlantirish bo‘yicha belgilangan “yo‘l xarita”da belgilangan vazifalar ijrosi yuzasidan tuman markazida bunyod etilayotgan “Oqoltin city” zamonaviy turar joy majmuasida olib borilayotgan qurilish ishlari joyiga chiqib o‘rganildi.

🔷O‘rganish jarayonida deputat va kotibiyat mudiri quruvchilar bilan muloqot olib borib, amalga oshirilayotgan ishlar sifati, qurilish jarayonining borishi hamda yaratilayotgan sharoitlar bilan yaqindan tanishdilar.

🔷Ma’lum qilinishicha, loyiha doirasida 8 ta ko‘p qavatli turar joy binolari qurilishi rejalashtirilgan bo‘lib, unda 650 dan ortiq zamonaviy xonadonlar barpo etiladi. Ushbu loyiha tuman markazining yanada zamonaviy va ko‘rkam qiyofa kasb etishida muhim ahamiyat kasb etishi ta’kidlandi.