Uchrashuv davomida fuqarolar bilan ochiq muloqot o‘tkazilib, hududdagi mavjud muammolar joyida o‘rganildi hamda aholini qiynab kelayotgan masalalar yuzasidan fikr almashildi.

 Xususan, mahalla infratuzilmasini yanada yaxshilash, ichki ko‘chalarni ta’mirlash, kommunal xizmatlar sifatini oshirish, hududlarni obodonlashtirish va yashash sharoitlarini yanada yaxshilash masalalari muhokama markazida bo‘ldi.

 Shuningdek, aholi tomonidan bildirilgan taklif va murojaatlar tinglanib, ularni hal etish bo‘yicha mas’ul tashkilotlarga tegishli topshiriqlar berildi.

Shahar hokimi hududda amalga oshirilishi rejalashtirilgan ishlar doimiy nazoratda bo‘lishini ta’kidlab, aholi manfaatlariga daxldor masalalarni hal etish ustuvor vazifa ekanligini qayd etdi.

 Amalga oshirilayotgan bunyodkorlik va obodonlashtirish ishlari mahallalarda qulay yashash muhitini yaratish, infratuzilmani rivojlantirish hamda fuqarolarning turmush sifatini yanada yaxshilashga xizmat qiladi.