Xalıq deputatları Bozataw rayonlıq Keńesi sekretariatı baslıǵı, 1-“Palwash ataw” saylaw okruginen (MTDP) saylanǵan deputat A.Ibragimov óziniń saylaw okrugi aymaǵında jaylasqan 1-sanlı ulıwma bilim beriw mektebinde saylawshılar menen ushırasıw ótkerdi. 

Ushırasıw dawamında deputat tárepinen elimizde hám rayonda ámelge asırılıp atırǵan sociallıq-ekonomikalıq reformalar, jergilikli Keńesler tárepinen alıp barılıp atırǵan jumıslar, sonday-aq deputatlıq jumıstıń tiykarǵı wazıypaları haqqında keń maǵlıwmatlar berildi. Rayon aymaqlardaǵı abadanlastırıw, ishimlik suwı, elektr energiyası, jol infrastrukturası, bilimlendiriw shárayatların jaqsılaw hám xalıqtı qızıqtırǵan basqa da máseleler boyınsha óz pikir-usınısların bildirdi. 

Ushırasıwda kóterilgen máselelerdi tiyisli tártipte úyreniw hám olardıń sheshimin tabıw boyınsha ámeliy ilajlar belgilenip, puqaralardıń múrájatları baqılawǵa alındı.  

Bunday ashıq sáwbetler deputat penen saylawshılar arasındaǵı baylanıstı bekkemlewge, xalıqtıń huqıqların qorǵawǵa hám aymaqlardı rawajlandırıwǵa qaratılǵan jumıslardıń nátiyjeliligin arttırıwǵa xızmet etedi.