Xalq deputatlari Boyovut tumani Kengashining 2026-yil 1-yarim yillik media-rejasida belgilangan vazifalar ijrosini ta’minlash maqsadida tuman hududidagi kutubxona, muzey hamda madaniyat markazlarining moddiy-texnik bazasi va aholiga ko‘rsatilayotgan xizmatlar sifati o‘rganilmoqda.

Shu munosabat bilan xalq deputatlari Boyovut tumani Kengashi deputati K. Karimova tomonidan A. Navoiy mahallasida joylashgan “Istiqlol” madaniyat markazida o‘rganish ishlari olib borildi.

O‘rganish jarayonida madaniyat markazida hozirda 7 nafar xodim faoliyat yuritayotgani, shuningdek 0,5 shtat birligida bo‘sh ish o‘rni mavjudligi xodimlar tomonidan ma’lum qilindi.

Shuningdek, markazda mavjud to‘garaklar faoliyati ham ko‘zdan kechirildi. Hozirda 2 ta to‘garak faoliyat yuritayotgan bo‘lsa, 2 ta to‘garak esa vaqtincha faoliyatini olib bormayotgani aniqlandi.

Bundan tashqari, madaniyat markazida barcha zarur cholg‘u asboblari mavjudligi va moddiy-texnik baza nisbatan yaxshi holatda ekani qayd etildi.

O‘rganish yakunida madaniyat markazi faoliyatini yanada faollashtirish, to‘garaklar ishini yo‘lga qo‘yish hamda aholining madaniy dam olishini tashkil etish bo‘yicha tavsiya va takliflar bildirildi.