МАКТАБДА ЎРГАНИШ ОЛИБ БОРИЛДИ

Халқ депутатлари Янгиқўрғон тумани Кенгаши депутати Мирзалиев Хабибулло Авазбекович томонидан сайлов округи ҳудудида жойлашган 54-сонли умумтаълим мактабида бўлиб, таълим муассасасидаги шарт-шароитлар ўрганилди.

Ташриф давомида мактабнинг спорт зали фаолияти, спорт анжомларининг сақланиши ва улардан фойдаланиш ҳолати кўздан кечирилди. Шунингдек, ўқувчилар учун яратилган шароитлар, жумладан, овқатланиш хоналари ҳолати, санитария-гигиена талабларига риоя этилиши ҳамда озиқ-овқат сифатини таъминлаш масалаларига алоҳида эътибор қаратилди.

Ўрганиш жараёнида таълим муассасасидаги мавжуд ҳолат таҳлил қилиниб, аниқланган камчиликларни бартараф этиш, спортни янада яхшилаш ҳамда ўқувчилар учун қулай ва хавфсиз муҳит яратиш юзасидан тегишли таклиф ва тавсиялар берилди.

Шу билан бирга, мактабда таълим сифати ва ўқувчилар саломатлигини таъминлашга қаратилган ишлар изчил давом эттирилиши зарурлиги таъкидланди.