Xalq deputatlari Urganch shahar Kengashi deputati S.Yaqubov tashabbusiga asosan, Urganch shahridagi “Yoshlik” to‘yxonasida “O‘zbekiston mahallalari uyushmasi raisi kubogi” uchun “Zakovat” intellektual o‘yinining shahar bosqichi bo‘lib o‘tdi. 

Mazkur bellashuvda shahar miqyosidagi barcha mahallalardan saralab olingan bilimdon yoshlar va mahalla faollaridan iborat jamoalar g‘oliblik uchun o‘zaro bahslashdilar. Qizg‘in va murosasiz kechgan o‘yinda jamoalar mantiqiy savollar orqali o‘zlarining dunyoqarashi, tezkor fikrlashi va jamoaviy ishlash qobiliyatlarini namoyish etishdi. 

Yakunda g‘oliblikni qo‘lga kiritganlar: 

1-o‘rin — “Do‘stlik” mahallasi  

2-o‘rin — “Yangi-obod” mahallasi 

3-o‘rin — “Ma’rifat” mahallasi 

Ushbu intellektual turnir nafaqat bilimlar sinovi, balki Urganch shahri yoshlarini yagona maqsad yo‘lida birlashtirgan haqiqiy ma’rifat bayramiga aylandi. Mahallalarda bu kabi tadbirlarning o‘tkazilishi yosh avlodning ilm-fanga bo‘lgan qiziqishini yanada oshirishga xizmat qiladi.