Xalq deputatlari Karmana tumani Kengashi kotibiyati bosh mutaxassisi D. Shamsiddinova tuman Kengashi deputati O. Yuldoshyevga O‘zbekiston Respublikasi Prezidentining 2022 yil 19 yanvardagi “Mahallalarda yoshlar bilan ishlash tizimini tubdan takomillashtirish chora-tadbirlari to‘g‘risida”gi 92-sonli qarori asosida mahalladagi yoshlar yetakchilari tavsiyasiga ko‘ra yoshlarga ko‘rsatiladigan yordam turlari bilan tanishtirdi hamda zarur tavsiyalar berdi.

Shuningdek, mahalla yettiligi bilan hamkorlikda ishlash jarayonida yoshlar yetakchisining mehnatiga to‘lanadigan haq, boshqa to‘lovlar va unga nisbatan qo‘llaniladigan imtiyozlar yuzasidan fikr almashildi.

Ayni paytda, joylarda aholi bilan uchrashuvlar davomida “Yoshlar daftari”ga kiritiladigan yoshlar uchun mavjud imtiyozlar haqida keng targ‘ibot ishlarini olib borish bo‘yicha tavsiyalar berildi.