O‘rganish jarayonida pochta aloqasi bo‘limining faoliyati, aholiga ko‘rsatilayotgan xizmatlar sifati, fuqarolarning murojaatlarini qabul qilish va ularga o‘z vaqtida javob berish holati hamda qonun talablariga rioya etilishi yuzasidan tahlillar olib borildi. Shuningdek, deputat tomonidan korxona xodimlari bilan ochiq muloqot tashkil etilib, aholiga xizmat ko‘rsatish jarayonida yuzaga kelishi mumkin bo‘lgan muammolar, ularning sabablari va ularni bartaraf etish choralari muhokama qilindi.