Termiz shahar "20-Eskishahar” saylov okrugida Xalq deputatlari Termiz shahar Kengashi deputatlari hamda saylovchilar ishtirokida ochiq uchrashuv bo‘lib o‘tdi.

⏺Mazkur uchrashuvda shahar hokimining barcha o‘rinbosarlari, shuningdek tegishli mutasaddi tashkilot va idora rahbarlari ham ishtirok etib, fuqarolar bilan yuzma-yuz muloqot olib borildi.

⏺Uchrashuv davomida mahalla aholisi o‘zlarini qiziqtirgan masalalar, mavjud muammolar hamda takliflar bilan chiqishdi. Jumladan, mahalla hududida bolalar maydonchasi qurish, ichki ko‘chalarga asfalt yotqizish, o‘rnatilgan beton ustunlarga tungi yoritgichlar o‘rnatish hamda hududda maktabgacha ta’lim muassasasiga ehtiyoj mavjudligi masalalari ko‘tarildi. Ushbu masalalar mutasaddi rahbarlar tomonidan o‘rganilib, tegishli choralar ko‘rish uchun nazoratga olindi.

⏺Uchrashuv doirasida ijtimoiy ko‘makka muhtoj fuqarolar ham e’tibordan chetda qolmadi. Xususan, 10 nafar fuqaroga jami 4 million 120 ming so‘mlik vaucherlar topshirildi. Shuningdek, ijtimoiy reyestrda ro‘yxatda turgan 1-guruh nogironi Zoirov Orzubekning uyini ta’mirlab berish masalasi hal etildi.

💬Bundan tashqari, 1 nafar fuqaroga nogironligi bo‘lgan shaxslar yurishi uchun mo‘ljallangan maxsus aravacha topshirildi. Tadbir davomida fuqarolar uchun mehnat yarmarkasi hamda bepul tibbiy ko‘rik ham tashkil etilib, aholi uchun bir qator qulayliklar yaratildi.

💬Bunday ochiq muloqotlar fuqarolarning murojaat va takliflarini bevosita tinglash, ularning muammolarini joyida hal etish hamda mahallalar rivoji uchun muhim ahamiyat kasb etmoqda.